Startseite
  Archiv
  Gästebuch
  Kontakt
 

  Abonnieren
 


 
Freunde
    eggenberger
    - mehr Freunde


Links
   Georgette Spinone Blog
Letztes Feedback


http://myblog.de/tinchen44

Gratis bloggen bei
myblog.de





 
Di erscht wuchä isch scho verbiiiii.........

Ui nei, diä Ziit da vergaht ja we im Flug..... Ezt bini scho ä wuchä da und äs chunt mär uf di eint siitä so vor als währi scho ewigs da und uf di ander hani s'Gfühl ich bin doch erscht gad abgflogä....... So schnäll chans gah...... Mir gaht da immer na wunderprächtig usert we scho gschribä s'Wätter chänt biz besser sie, obwohl hüt däfi mi echt ned beglagä, d'Sunnä schiint, isch ca.15 Grad war und wen ned gad im Windhöcklisch würsch gar ned meinä dasäs nächscht wuchä wider chunt go schneiiä......... I dä Schuäl laufts au immer na supi, bin echt erstunnt we guät ich diä Prüäfig am Fritig gmeisteret han, weis aso nani so rächt we das vor sich gangä isch........ Smile........ So ezt isch färtig im Bett umänand trödlät, ab unter duschi und dän zerscht id Stadt go ä neui Sunnäbrülä poschtä und den biz go Fötälä........ Bis Bald.....
10.4.10 18:52


Rägä Rägä Tröpfli äs Rägnät uf mis Chöpfli..........

So mitlärwilä isch scho Mittwuch abig und ich han min zweitä richtigä Schuältag scho hinter mir......... I dä Schuäl klappäts scho rächt guät, nur diä cheibä Grammatik. Diä hani scho im Dütsch ned tschäggät we sel dän das nur im Englisch werdä? Ich versuächä mis beschtä........ Smile...... Sust würi sägä bini än rächtä Muschterschüälär, mach mini Ufzgi bin aktiv im Unterricht und und und....... Smile Han au scho rächt cooli lüt Känäglärnt (Hauptsächlich Schwiizer) aber was sels, än drittel vo däLüüt a dä Schuäl sind eh Schwiizer, än andärä Koreaner und Chinesä und dä rescht chunt vo Brasiliä, Mexiko und na äs paar wenigi vo Frankrich oder sustigä Länder......... Ich glaub das chunt guät........ Smile Wen nur dä cheibä Rägä äntli wür ufhörä und biz d'Sunnä wür cho dän chänt mär entli mal äpis anders machä we nur im Pub höcklä oder sich i dänä rissigä Shoppingmalls veriirä......... Aber ich bin ja zum Glück na äs ziitli da und ich glaub das ändärät sich schona........ Also Leuts ich set na Ufzgi machä, dän ässä und dän na gschwind is Pub eis go Kippä............ Machäds guät und bis bald............
8.4.10 02:59


Erstä Schuältag.......

So ezt isch dä au scho verbi, min erschtä schuältag........ Guät schualtag chamer das ned nänä, zerscht ä Halb Stund Infos über d'Schuäl, dänn ä Stund lang im Rägä umäsecklä go sachä aluägä wot där eh ned chasch märkä und dän na diä zwei Tests....... s'Mündliche isch ja na eifach gsi, aber bim schriftlichä hetti ab dä drittä Sittä gad so guät chönä di richtig anwort würflä und sie währ glaub passender gsi we diä wo ich anä gschribä ha....... Smile..... No Body is perfect...... Alles i allem isch aber super gsi........ Zum Zmittag "Subway" eat fresh....... We hani das vermisst........ Dän na biz schoppä......... Han zwar ussert ämänä Rägäschirm und ämänä Föhn nüt kauft aber ich han ja na soviel ziit zum Gäld usgäh........ Und da ich ja ned nur chan umäsitztä und ässä hani mit mich mit minä zwei mitstudentinä uf dä wäg gmacht zumänä Parkt da i dä Nächi mitärä ca. 10 Meter höchä Hängebrugg wo alles anärä als würkli Stabil isch, supi isches glich gsi............ So ich gahn ezt dän go Pfusä da ja morn würkli min erschtä Schuältag uf mich wartet........ MAchäds guät und bis glii.........
6.4.10 06:38


Aakunft.......

Hallo Wält und guätä Morgä.......... Ich hans gschaft, nach knapp 20 Stund unterwägs bin au ich in Vancouver acho und han bereits mini ersti Nacht da verbracht. Z'Mörgäläd hani au scho mit minärä Crazy Oma........ Hüt gani dä Schuälwäg instpiziere und mis Busticket go holä......... Und sus na ga guggä wani sus na alles findä....... Also bis glii und froi mi immer über News..........
4.4.10 19:02


Countdown

 
 Nur no ei wuche!!! Dä Countdown lauft!!!!!
27.3.10 13:41


Ciao Ciao Schwiiz.....

Hallo Mitänand...... Scho glii ischäs sowiit und ich däg für die nächstä vier Mönät Ciao Schwiiz und Helo Kanada....... Na zwei Wuchä, dä Countdown lauft......... Bis glii und dän bestimmt me.........
19.3.10 00:49


[erste Seite] [eine Seite zurück]



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung