Startseite
  Archiv
  Gästebuch
  Kontakt
 

  Abonnieren
 


 
Freunde
    eggenberger
    - mehr Freunde


Links
   Georgette Spinone Blog
Letztes Feedback


http://myblog.de/tinchen44

Gratis bloggen bei
myblog.de





 
Scho glii isch alles verbii "Dä Abschied vo Canada isch scho nah, ich wot doch nonig Heigah..... Fli

Halli Hallo und sowiso.......... Ich weis han scho lang nüm gschriebe, da ezt dän aber scho glii s'ändi naht hani denkt schriibi doch namal än Iitrag........... Was isch alles passiert nach däm Ich da in Toronto acho bin: Zerscht hani mal än ganze Tag gschlaffe, weli so müäd gsi bin..... Am folgende Tag hani den Kontakt mir dä Karen und äm Urs ufgnoh zum mit ihne abmache we ich am beschte zu ihne ufs Ländle chume...... Das het eigentlich ganz guät klappet und mir hend den abgmacht das ich mich am nächschtä Tag uf dem Wäg mache zu ihne, den bini nachlii in Toronto unterwägs gsi, isch also scho gad ä ganz anderi Stadt, we diä woni sust gseh han. Obwohli na niä in New York gsi bin muäni dä Ihwohner da scho rächt gäh. Toronto isch schochli dä Chlii Brüädär vo New York..... Die folgende 5 Täg hani den ebä bi Urs, Karen und ihrne Jungs verbracht...... Isch mega cool, schön, öpis komplet anders, Canadian real life und eifach Hammer gsi....... Mir hend Grillt, Gässä, Trunke und hend eifach ä mega schöni ziit gah...... Äs hät aber scho glii wieder gheisse Abschied näh, sie hend mich sogar bis id Stadt zrugg gfahre da dä Lukas eh au id Stadt hät müässä..... Zrugg im Backpacker hani na viel alti bekannti Lüüt troffe und mir sind zu Feier des Tages na is Pub (bis am morge am 4:00)........... Dä Tag druf hani all mini Bustickets na gholt und mich informiert we ich am beste nachli in Norde ufe chume...... Am Folgende Tag bini für 4 Täg nach Ottawa, das det aber di meischt ziit nu grägnät hät, hani ä mega cooli ziit gah im Hostel mit all dene Lüüt det, öb mär ezt Fuässball gugget hend, Brätspieli gspielt händ, zämä kochet oder was au immer isch mega gsi...... S'Wätter het mi den aber glich na biz verschohnt und ich han na chönä s'schöne Parlamentsgebäude chöne go alluägä und dur dä Märt schländärä....... Den isches wiiter gange nach Montreal, det het mär s'Wätter wieder än streich gspielt ud äs het 5 vo 7 Täg nu grägnät. Vo dem lahni mich ned abschrecke und so hemmer agfange so Events z'organisiere im Backpacker womer glich Montreal kännälärnäd aber ned use müäd....... Mega cool gsi....... A dänä zwei Täg wos schön gsi isch, bini natürlich gad ufgstande und veruse.... Zum erschte bini in Mont Royal Park und han vo det ä Ussicht über di ganz Stadt gah, eifach mega schön gsi, au weni 284 Treppe han müässä uälaufe.......... Sust bini na im grosse Botanische Garte gsi, womer nachen Chinesische Teil mini Kamera dä geischt ufgäh hät...... Sniff....... Und natürlich ned vergässä bini namal in Alt Montreal gsi, das isch scho mega herzig......... Wiiter isches gange nach Quebec City äs Stedli wo irgendwiä vor 100 oder meh Jahr stah bliibe isch, mega mega suäss..... Det acho het mi gad mal d'Hiizewällä umghaue, 32 Grad im Schatte........ Ich han den ä Taxi gnah zu mim Backpacker wel det dä ganz Hügäl duruf laufe, nei danke....... Im Backpacker acho, Zimmer bezoge, bini zerscht mal go duschä...... Nachdem hani mini Zimmernachbarin kännäglärt, sie isch ebäfalls us de Schwiiz, aber usem Französisch sprächende Teil. Drum hets den au än sehr amüsante Abig gäh miteme misch us English, Französisch und Düütsch......... Am folgende Tag simmer zämä zumene Wasserfall, ned so gross we d'Niagara Fäll aber au schön, am Namittag simer den na Quebec vo obe go aluägä....... Dä Folgendi Tag simmer nur dus Steddli duur gloffe und den hemmer alli schöne herzige Hüsli und so agluägäd........ Den hets scho gheisse abschied näh und das hemmer mitemene Füächtfröliche abig begosse...... Am Folgende Tag bini na gos Ortsmuseum besichtige, isch scho wizig we gwüssni lüüt mal ghusäd hend. Am Namittag bini den zur erfrischig go bade, da mär unteranderem di letscht Nacht am morge am 2:00Uhr na 34 Grad gha hend und das ohni Klimaalag........ S'Bädälä het nu mfür dä moment würkli öpis gnütz wel chum womer euis uf dä Wäg gmacht händ hesch schowieder gschwitzt und heiss gah....... Den hetsch schowieder gheisse Ciao Ciao Quebec City, Helo Montreal das aber au nur zum übernachte...... Wel am nächschtä Tag isches i 8 1/2 Stund Bus zrugg uf Toronto gange........... Det acho hets au scho fascht wieder gheisse ab in usgang, isch än hammercool abig gsi....... Am nächschtä Morge bini mit dä Karen äm Urs und ihrem Kollege Päärli go Brunche, mega fein gsi und we fascht all uf dä Wält bini den go Fuässball guggä......... Ja aso we ihr gmärkt händ ich bin in Toronto guät acho......... Am Mäntig hets den gheisse früä us dä Fädärä und ab ad Niagara Fäll, sind ja scho cheibe impossant diä, obwohli ich sie mir biz grösser vorgstellt han....... Interessante Tag gsi, bin den au Tod müäd is Bett gheit...... Am Di. isch ned so schön gsi, drumm bin id Wöscherei zum letschtä Mal go wösch wäschä und den isch dä Tag au scho fascht ume gsi........Am Mittwuch bini am St. Laurence Market und i dä Panorama Lounge gsi. Zum Märt, det häsch vo chline Olive bis zunere halbe Chuä chönä ha, da isch halt au alles Big....... Zur Panorama Lounge, mega chic aber besser we 35$ zahle zum eimal uf dä CN Tower fahre...... Coole abig gsi........ Ezt staht nur na Toronot Island und d'Eishockey Hall of Fame ufem reiseplan und den chas ab nach New York........... So muän au scho wieder hörä mär gönd ezt na was go trinke, 2,3,4 oder so......... Bis bald........
16.7.10 01:07


Adios Las Vegas welcome back Canada..........

Hallo Fründe und währ au immer........ San Francisco hämmär scho lang hinter euis lah, au weni sicher ned s'lescht mal det gsi bin....... Hammer geili Stadt, au wens immer ufe und abe gaht....... Smile Vo det us simmer wiiter richtig Canyons, zerscht natürlich dä Grand Canyon...... Mär wirds chum glaube aber ich bin für de Sunneufgang im Canyon am 3:05 Uhr am morge ufgstande und hans also überhaupt ned bereut, isch mega schön gsi........ Au sust de ganz Grand Canyon isch mega ihdrücklich impossant und ich weis gar ned weni das alles na set beschriibä, eifach äs schöns Stückli Natur wommer bis zumene gwüssnä Punkt unberüärt glah het........... Vo det us simmer den wiiter Richtig Bryce Canyon, dä isch einiges chlinner gsi aber au ganz cool, vorallem hend det d'Farbe nachli meh gspiellt uf de stei, vo wiis bis knall Orange häsch alles gha, echt cool.............. Vo det us hemmer euis den langsam uf de wäg richtig Las Vegas gmacht. Mitemene zwüschähalt in Page und St. George....... In Page simmer na in Antelope NP au schön idrücklich we Wasser und Wind sich so du d'schluchte durgschlage hend das mär ezt sogar chan dädur laufe und sehr ihdrücklichi Föteli mache, sofern mär ä guäti Kamera het........... Vo det us simmer wiiter nach St. George, wommer eifach mal än Easy Tag igleit hend und niänäts umestüred sind sondern nur gfulänzäd hand, muän ja au mal sie, oder? Mir hend ja eigentlich uf guät wätter pokeret das mär det nachli hetted chönä am Pool liggä und chlii brun werde, aber usgrächnät a däm Tag hets grägnät, vorher siit mer in San Francisco gsi sind und nachher hets niämeh grägänät aber ah däm Tag hal scho, den hend s'Little Pony und ich halt biz CH-Turismus nöcher kännäglärnt und zwar bi, SF bi dä Lüüt, über Stock und Stei mit em Nik und sim Hund........ Sehr amüsant aber mit der ziit macht di dä Typ echt blöd.......... Anyway mär sind ja dän am folgende Tag wiiter richtig Las Vegas...... Muän also scho sägä di Stadt went inäfahrsch isch also ä echti reizüerfluätig, überall blinkets, singts, chunt öpis use und äs isch am afang gad alles chlii viel....... Han mi den aber schnäll drah gwöhnt. We sichs das für Fraue so ghört, was hemmer zerscht gamcht, klar mir hend diräkt d'Outlets agstüräd und sind mal ä rundi go shoppe. Fazit zwei neuii Jäggli, zwei T-Shirt und äs paar FlipFlops....... Han mi guät ghaltet würi sägä, hans echt ned übertriibe...... Oder was meineder? Guät wäg vo dä Outlets ab is Hotel, Zimmer bezoge, dusched und den ab an Stripe....... Ich chan gar ned meh säsäg we eifach nur extrem, euisi Tour hemmer krönt mitemene Abigässä im Hard Rock........... sägä nur mega gsi......... Guät so sind den diä Paar Täg in Vegas so dahiplätschärät, wet gar ned wiiter drufihgah, nur soviel, han also ned soviel Gäld gunne weni eigentlich het welä, drum ich chum wieder hei go schaffe.......... So den hets scho langsam gheisse ab uf de Flughafe und abschied näh vom Little Pony da sie ja uf Mexico gaht und ich zrugg nach Canada........ Dä isch churz und schmerzlos gsi...... Den bini nochli useghöcklet han es Ziggarettli graucht und mit Chai Tee trunke und gwartet bis mis Flugi den au flügt und ich endlich chan schlaffe.......... Guät das mit em schlafe isch nüt worde, 6 Babys hend die ganz ziit abwechsligswiis gschrouä, drumm isch Bettina voll übermüädät in Philadelphia acho und het sich uf ihre Tee gfreut, han mi aber z'früä gfroit sie hend det kein Starbucks im innere vo Flughafe nur usserhalb...... Verdammte S...... Guät den hets scho glii gheisse ab is nächschtä Flugi, isch mega chlii und herzig gsi. Bin mär aber biz verlore vor cho, da vo und hinter mir nur so gschniggleti im Azugsteckendi älteri Herre gsi sind mit Akteköfferli...... Han für än churze moment denkt, bini da würklich richtig? Aber wo den de Typ am schalter mir mis Ticket entrisse het und mir än guätä Flug gwünscht het, hani agnph ich bin da scho richtig............. Ein vorteil hets gah, diä sind alli so mit sich und ihrne Computer beschäftigt gsi, das ich den glich na zu 80 min. schlaf cho bin........... Den hets scho gheisse welcome in Toronto und we chänts ächt au andersch sie Bettina voll übrmüädät und verschwizt muän natürlich is Imigrationamt da mir niämärt hät welä glaube das ich nur als Tourischt da bin und ned als arbätssuächändi.......... Guät hani ihne den das lang und breit erchlärt bises mir den glaubt hend und den händs mi au zrugg ihreise lah........... Den hets gheisse mit all mim gepäck, ab i d'Stadt und mis Backpacker suächä und finde am beschtä ufem chürzischtä wäg............. Das het alles prima klappet und än Starbucks isch au na ah mir verbigwatschlet............. Den hani mal mis Bett bezoge und han mi eigentlich nu churz welä usruäbä aber we chänts au andersch sie, bin denk ihpfused und erscht am abig wieder verwached.......... Das währs eigentlich schowieder gsii, min Laptop verabschiedet sich ezt dän grad drumm bis äs anders mal...........
18.6.10 19:19


HWY 101 South From Seattle to Las Vegas with us Big Dodge!!!!!!!!!!!!!!

Halli Hallo und sowiso................ Höckle gad i mim Bett im Homeless Motel in Crescent City bim Redwood National Park und we sels au andersch, äs schiffed und das scho dä ganz Tag. Zum Glück gömmer morn wiiter richtig San Francisco und det schiint sicher d'Sunnä. (Hoffi ämal) Aber namal zrugg id Vergangeheit..... Ich han am Dunnschtig 20.Mai. kochet für mini Homeoma und mini Mitstudentin, we sichs ghört Zürigschnäzlets mit Röschti und den na än Chuächäbache, das isch genau so guät aho we dä Zopf...... Super gsi..... Am nächschtä Tag hani min letschtä Schuältag na guät hinder mich bracht, bin aber ned würklich trurig gsi isches färtig gsi...... Smile.... Den hets gheisse vorübergehend abschied näh und min Koffer bi miniere Homeoma z'lah, s'Little Pony het ihre Koffer au det däfä det deponiere und den hemmer euis ufgamcht zrugg nach Downtown zu euisem abschluss abig, da wetti ned meh id tüffi gah....... Smile Am nächschtä Tag simmer in aller hergots Früä zum Bus Bh. gwatschlät het ned mal me an ChaiTee gäh..... Sniff...... Den simmer los uf de Fährä hemmer äs supi früästück gah und uf das abe hemmer den diä Folgende 4 Stund im Bus au ohni Problem überstande....... In Ukee acho simmer zerscht mal is Backpacker und hend det alles deponiert, den simmer los gallopiert und hend dä Sumpf unsicher gamcht...... Di erschtä zwei Täg sind super gsi und vom wätter her au voll ok, hend Grillt mit dä Seeloiä und Adler biz seich gmacht...... Smile Di folgende zwei Täg hets mehrheitlich grägnät drumm hemmer am Mo. au än Ruhetag igleit, am Di. isches ab nach Tofino, ned so speziell gsi, isch das ächt am Rägä glägä, währ mer wieder troffe hend sind Surf Sisters luschtigi cheibä..... Smile Das kän retour Bus gäh het hets gheissä, laufe und wen äs Auto chunt dumme usä und immer schön lächlä, mit vier verschiedene Autos simmer au hei nach Ukee cho. Überall hemmer viel glärnt, vom erschtä simmer is Supernoble Hotel inefüärt worde, die zweite hend euis na Beach chli nächer bracht, di dritt het euis über s'Surfe im chalte Wasser ufklärt und die vierte sind 4 glattli Britte gsi wos glaub gnosse hend mit euis so eng im Auto z'höckle..... Smile...... Am Mittwuch isches wieder zrug nach Vancouver gange, wos gheissä het, Koffer abhole und ängültig abschied näh..... Schön gsi hend na gschänkli ustuscht und Knuddlet..... Den simmer na is SteakHouse go super Fleisch und gigantische Herdöpfelstock ässä, "jamijami". Den hets am nächschtä Tag gheissä ciao ciao Canada Hallo Amiland gnau gseit Seattle, det simmer im MusikMuseum gsi go dä Kurt und de Jimmy go bsuächä....... S'bescht am ganze in Seattle isch s'Gsicht vom Koreaner gsi woner gseh het das er mit 3 Wibber im Zimmer isch und euisä bombastischi Dodge wommer becho hend........ Und den isches los gange d'Westcoast durab bis da womer ezt ebä gad sind................. Puhuh das sind ezt aber wieder vili Buächstabe gsi und mini Finger sind ezt müäd, wünsch eui allne ä guäti ziit bis in Vegas.........
1.6.10 05:10


Backe Backe Kuchen, ah nei Zopf oder ächt scho än Chuächä????????

Halli Hallo und sowiso....... Bin chli än schlächtä hagel ich weis, han scho lang nüm gschribä...... Aso nei...... Mir gahts immer na wunderprächtig da in Vancouver obwohl mini ziit da am Fritig scho verbi isch unds den ab uf Tofino gaht...... (Froidegump (- D'Hockey Saison für d'Canucks isch leider au verbi, schlächt für sie guät für mis Portmonai und mini Lebere....... Aber es git ja immer na Montreal..... Smile Langsam aber sicher bini ezt langsam am packe wäschä und abschiedfiirä..... Mär wirds chum glaube aber han würklich zweimal Zopfbache und er isch heiss begehrt gsi au wener ned so guät isch we i dä Schwiiz........ Mini Homeoma und mini Mitbewohnerin findeden super....... Juhu....... Ja sust giz eigentlich gar ned viel z'brichte ussert dasi min wiitere Trip zimli planed han und i mi froiä wen entlich los gaht....... Währ aso na anderi erwartigä het, ich bin nanig verhüratet ned schwanger und han bis ezt au na vor widär zrugg id Schwiiz z'cho......... Sind mi also nanig ganz los....... Smile Ich hoff eui gahts allnä guät dihei wünsch eui uf all fäll schöni Pfingschtä und bis bald mal wider............ Adiä und uf widärgüx...........
19.5.10 04:23


Drüüähalb wuchä Vancouver........

Ziit vergaht we i flug, i han s'gfühl sie rasst nu so amer verbi....... Mir gahts aber immer na super da. Guät ussert Schuäl, Ässä, Pub, Usgang, d'gägend unsicher mache, shoppä, Isshockey und biz schlafe machi au ned gad dä Huufä, aber für Feriä asolut in Ordnig findi....... We ebä scho gseit mir gahts super, ussert das s'Wätter nani so ganz mitmacht und jedi Wuchä meh und meh cooli lüüt sich wieder uf dä Hei oder wiiteri Wäg mached...... Zum glück isch dä April bald verbi, den wird s'Wätter bestimmt au besser....... Ja bin mitlerwillä au scho biz mini Ziit vo nachänä am Planä, han aber na nüt würkli konkrets vor oder Buächäd ussert als Finallisima New York..... Han na soviel ideeä, aber irgendwiä au biz z'wenig ziit....... Na zu mim vorletschte Weekend in Viktoria, da sägi nu zum Glück händ Canucks gunnä und mis Bett isch dä absoluti hammer gsi...... Viel meh gits eigentlich gar nüm zsägä....... Ussert diä Schuäl isch schlimmer organisiert we jedä Hüänärstahl....... Also ihr Liäbä macheds guät ich machs ämäl so und bis glii, vielicht schaffis den au mal d'Föteli druf zladä....... (Huärä kak)
28.4.10 07:44


Drüüähalb wuchä Vancouver........

Ziit vergaht we i flug, i han s'gfühl sie rasst nu so amer verbi....... Mir gahts aber immer na super da. Guät ussert Schuäl, Ässä, Pub, Usgang, d'gägend unsicher mache, shoppä, Isshockey und biz schlafe machi au ned gad dä Huufä, aber für Feriä asolut in Ordnig findi....... We ebä scho gseit mir gahts super, ussert das s'Wätter nani so ganz mitmacht und jedi Wuchä meh und meh cooli lüüt sich wieder uf dä Hei oder wiiteri Wäg mached...... Zum glück isch dä April bald verbi, den wird s'Wätter bestimmt au besser....... Ja bin mitlerwillä au scho biz mini Ziit vo nachänä am Planä, han aber na nüt würkli konkrets vor oder Buächäd ussert als Finallisima New York..... Han na soviel ideeä, aber irgendwiä au biz z'wenig ziit....... Na zu mim vorletschte Weekend in Viktoria, da sägi nu zum Glück händ Canucks gunnä und mis Bett isch dä absoluti hammer gsi...... Viel meh gits eigentlich gar nüm zsägä....... Ussert diä Schuäl isch schlimmer organisiert we jedä Hüänärstahl....... Also ihr Liäbä macheds guät ich machs ämäl so und bis glii, vielicht schaffis den au mal d'Föteli druf zladä....... (Huärä kak)
28.4.10 07:43


Wuchä zwei isch au scho verbi, d'ziit vergaht we im Flug.......

So mitlerwillä isch au scho wieder Fritig abig i dä Wuchä zwei..... Mir gahts immer na Super da in Vancouver. Diä Wuchä isch soviel gloffä, a erster liniä isch ganz klar d'Schuäl gstandä, immer det gsi und flissig mini Ufzgi gmacht, bin eimal meh erstund gsi was hüt bi dä Prüäfig usächo isch.... Big Smile Sust bini natürli au immer unterwägs, am Mäntig bini im Aquarium gsi und han Tierli gseh woni ned mal gwüsst han dasäs diä überhaut giit, hät paar guäti Föteli gäh....... Da ich natüri au ned immer nu chan full i dä Schuäl Höcklä simmer mit Citycruser Velo go umädrive English Bay und Standleypark. Eichördli hemmer gseh we sand am Meer sie hend eifach euisi Nüssli gässä, super gsi au wemmer am Abig dä Arsch we da het vom Velofahrä, aber ebä das ghört halt däzuä...... Natürli hani mär dä Playoff uftackt da ned chönä entgah lah und bin am Dunnschtig wieder im Stadion gsi, isch also scho echt dä hammer mit 22'000 Lüüt wo alli voll durä sind....... Aber das isch halt da eifach so...... Dä ganz Tag laufäd all Lüüt mit Hockeytrikos umä und a allnä Büss statt Go Canucks Go, scho recht cool....... Klar bini au sus na biz unterwägs gsi, Shooping und natürli Pflicht di täglich Visitä im Melons, da muän halt scho sii...... Das ischäs eigentlich au scho fascht wieder gsi, gaht ezt dän go Pfusä da i morn früä usä muän gaht uf Viktoria mit par Leuts wird sicher cool....... Also Libe Leute meld mi bald mal wieder, machäds guät....... Ciao und bis äs anders mal...........
17.4.10 07:15


 [eine Seite weiter]



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung